یہ دعا امام جواد علیہ السلام کی طرف سے مشکلات کے حل کے لیے پیش کی گئی ہے: علی بن مہزیار، جو امام جواد علیہ السلام کے معتمد صحابہ میں سے تھے، روایت کرتے ہیں کہ محمد بن حمزہ غنوی نامی ایک شخص، جو قید میں تھا، نے مجھے خط لکھا اور درخواست کی کہ امام سے اس کے معاملات کی آسانی اور گرفتاریوں کے رفع کے لیے کوئی دعا بتائیں۔ میں نے اس کی درخواست قبول کی اور امام کو خط بھیجا۔ امام جواد علیہ السلام نے میرے جواب میں لکھا: اسے بتاؤ کہ یہ دعا پڑھے اور خصوصاً نمازوں کے بعد اس پر استقامت کرے: «یَا مَنْ یَکفِی مِنْ کُلِّ شَیْءٍ وَ لَا یَکفِی مِنْهُ شَیْءٌ، اَکْفِنِی مَا اَهَمَّنِی مِمَّا اَنَا فِیهِ بِحَقِّ مُحَمَّدٍ وَ آلِ مُحَمَّدٍ ﷺ» @ZulfiqarFoundation #ZulfiqarFoundation دعا کا ترجمہ: “اے ایسے خدا، جو ہر چیز سے بے نیاز ہے اور سب اس کے محتاج ہیں، مجھے ان تمام پریشانیوں سے نجات دے جو مجھے غمگین و پریشان کر رہی ہیں، بحق محمد و آل محمد صلی اللہ علیہ و آلہ وسلم۔” علی بن مہزیار رضی اللہ عنہ کہتے ہیں کہ میں نے یہ دعا محمد بن حمزہ کو سکھائی۔ اس نے اس پر مستقل مزاجی اختیار کی اور کچھ ہی عرصے بعد قید سے آزاد ہو گیا اور اس کے معاملات میں گشائش آ گئی۔